საქართველოს   „კუნგ-ფუ ს“-ს ეროვნული ფედერაცია ჩამოყალიბდა 2011წლის 18 მარტს,     (რეგისტრაციის №B11026520.  საინდეფიკაციო კოდი : 416292112). ის შეიქმნა  2001 წელს ჩამოყალიბებულ " საქართველოს ორთაბრძოლების ,სანდა–ს ეროვნული ფედერაციის " ბაზაზე, რომელიც  თავის მხრივ შეიქმნა სამი კლუბის გაერთიანებით. ესენია: ტყიბულის კლუბი „რატი“ - ხელმძღვანელი ოლეგ ფანჩულიძე, რუსთავის კლუბი „ვინ-ჩუნი“ - ხელმძღვანელი რეზო ზარნაძე და ზესტაფონის კლუბი „შაო-ლინი“ - ხელმძღვანელი გიორგი მაღლაკელიძე.

 

ამჟამად ფედერაციის ხელმძღვანელია ოლეგ ფანჩელიძე, ვიცე-პრეზიდენტი რეზო ზარნაძე, გენერალური მდივანი– მამუკა ჩიხლაძე . საქართველოს ყველა რეგიონში ორგანიზაციას ჰყავს ოფიციალური წარმომადგენლები. დღეს-დღეობით ფედერაცია აერთიანებს 15-მდე კლუბს და სკოლას, სადაც ვარჯიშობს და მუშაობს 500-მდე სპორტსმენი და ინსტრუქტორი

.

კუნგ-ფუს ფედერაცია ყოველწლიურად ადგენს სპორტღონისძიებათა კალენდარულ გეგმას, რომლის მიხედვითაც აწყობს რეგულარულ ტურნირებს, სემინარებს, შეკრებებს და გამოცდებს. ასევე მონაწილებს სხვადასხვა საერთაშორისო ტურნირებში.

 

საქართველოს კუნგ-ფუ ს ეროვნული ფედერაცია არის კუნგ-ფუ ს ისეთი საერთაშორისო ორგანიზაციების წევრი და წარმომადგენელი საქართველოში, როგორიცაა: INTERNATIONAL KUNG-FU FEDERATION (IKFF), INTERNATIONAL MARTIAL ARTS CONFERDERATION (IMAC), “ASIA CHOY LI FUT KUNG FU FEDERATION”,  "EUROPEAN KUNG-FU FEDERATION"(EKF) , და “Inrenationas RED Dragon Organization”.

 

ფედერაციის საქმიანობაში ძირითად მიმართულებას წარმოადგენს კუნგ-ფუ ს ერთ-ერთი სპორტული სახელობა „ფაიტინგი“, რომელიც შეიქმნა 1982 წ. და წარმოადგენს კუნგ-ფუ ს, კრივის და ჭიდაობის  სინთეზს. გარდა ამისა       ტურნირებზე არის წარმოდგენილი კუნგ-ფუ ს სხვა და სხვა სტილების ტაოლუები და იარაღებით ბრძოლები.ასევე და-დზენი, ტუი შოუ და შუაიჯიაოს მიმართულებები.

 

გარდა ამისა ფედერაციას მონაწილეობს და ჰყავს ჩემპიონები და პრიზიორები კიკ-ბოქსში, შიდოკანში, ხელჩართულ ბრძოლაში და ტაეკვანდოში.

 

                                                     ფედერაციის  მიზნები და ამოცანებია :

 

1. საქართველოში კუნგ ფუ–ს ხელოვნების პოპულარიზაცია და განვითარება

 2. ცხოვრების ჯანსაღი წესის დამკვიდრება

 3. ნიჭიერი და წამატებული სპორტსმენების აღმოჩენა

 4. მეგობრული და თანამშრომლული ურთიერთობების დამკვიდრება კუნგ ფუ–ს სხვა და სხვა სკოლებს შორის საქართველოში. ასევე კუნგ ფუ–ს საერთაშორისო ორგანიზაციებთან და გაერთიანებებთან.