მომდინარე წლის 15-16 ნოემბერს,ქ.თბილისში, დიდ დიღომში  მდებარე „მრავალფუნქციური საზოგადოებრივი ცენტრის“ დარბაზში, საქართველოს კუნგ-ფუს ფედერაციის ორგანიზებით გაიმართა „საქართველოს თასის გათამაშება კუნგ-ფუ“-ს ოთხ სახეობაში: ფაიტინში, შუაიჯიაოში, და დზენში , ტუი შოუში, სადაც მონაწილეობდნენ საქართველოს სხვა და სხვა რეგიონიდან ჩასული 15 კუნგ-ფუს სკოლის 162  წარმომადგენელი.ასევე მონაწილეობდნენ „ხრიდოლის „ფედერაციის, „ხელჩართული ბრძოლის „  და „კუდოს „ ფედერაციის მებრძოლები.

ჩემპიონატი ტრადიციულად ძალიან მაღალ დონეზე იყო ორგანიზებული და მასში მონაწილეობდნენ როგორც ვაჟები, ასევე გოგონები.

ბრძოლები ძალიან საინტერესოდ და დაძაბულად გაიმართა, მიუხედავად იმისა, რომ ტურნირში მონაწილეობდა ბევრი ახალბედა სპორტსმენი.

გამოვლინდნენ გამარჯვებულები და პრიზიორები კუნგ-ფუს ოთხივე სახეობაში.

ტურნირის ყველა გამარჯვებულს და სხვა საპრიზო ადგილზე გასულ ყველა მებრძოლს გადაეცა შესაბამისი ხარისხის დიპლომები და მედლები. გათამაშდა გუნდური თასები.

ფედერაციის ინსტრუქტორებს და ასევე მსაჯთა ბრიგადას, ფედერაციის სახელით გადაეცა სამადლობელი წერილი-დიპლომები. ასევე სამადლობელი დიპლომები გადაეცათ სომხეთში, ქ. ერევენში , 18-19 ოქტომბერს გამართულ „ კავკასიის თასის პირველობაზე კუნგ-ფუ ში“ მონაწილე სპორტსმენებს.

გუნდურ პირველ ადგილზე , 18 ჩემპიონით, გავიდა ტყიბულის მუნიციპალიტეტის სპორტული ცენტრის კუნგ-ფუს გუნდი ( ხელ-ლი ოლეგ ფანჩულიძე).

მეორე ადგილზე , 16 ჩემპიონით, გავიდა რუსთავის კუნგ-ფუს სკოლა ( ხელ-ლი შალვა ფრიდონაშვილი და ეთერი ბერიძე).

ხოლო მესამე  ადგილზე გავიდა ზესტაფონის კლუბი „ავაზა“ (ხელ-ლი ნოდარ გიორგაძე).

ცალკე , სპეციალური თასით დაჯილდოვდა აბაშის კუნგ-ფუს სკოლა( ხელ-ლი მამუკა ალანია) , რომლის გუნდმაც 10 სპორტსმენის შემადგენლობით, მოიპოვა 9 პირველი ადგილი.

საქართველოს კუნგ-ფუს ფედერაცია მადლობას უხდის ყველა მონაწილეს, სპორტსმენს, მწვრთნელს,მსაჯთა ბრიგადას ტურნირის ასეთ კარგ დონეზე ჩატარებისათვის.

განსაკუთრებული მადლობა დიდი დიღმის“ მრავალფუნქციური საზოგადოებრივი ცენტრის“ დირექციას და პერსონალს, განსაკუთრებულად ბატონ ვაჟა ხეცურიანს, დახმარებისთვის და გვერდითდგომისთვის.