მიმდინარე წლის 16-17 მარტს,ქ.თბილისში, საქართველოს კუნგ-ფუს ფედერაციის ორგანიზებით გაიმართა „ევრაზიის პირველობა კუნგ-ფუ-ში“, სადაც მონაწილეობდნენ საქართველოს სხვა და სხვა რეგიონიდან ჩასული 14 კუნგ-ფუს სკოლის 145 წარმომადგენელი და ასევე ირანის და სომხეთის 35კაციანი დელეგაცია. სულ 180 სპორტსმენი,როგორც ვაჟები,ასევე გოგონები თბილისიდან, ტყიბულიდან, აბაშადან, ზესტაფონიდან, რუსთავიდან, დედოფლისწყაროდან, ამბროლაურიდან.

ჩემპიონატი გაიმართა კუნგ-ფუს 2 სახეობაში. ესენია: ფაიტინგი(კონტაქტური ბრძოლა), და შუაიჯიაო( ჭიდაობა).

ტურნირში, კუნგ-ფუისტებთან ერთად მონაწილეობდნენ ქართული საბრძოლო ხელოვნება ხრიდოლის, კარატეს და მუაი-ტაის წარმომადგენლებიც, რაც უფრო დაძაბულს და სანახაობრივს ხდიდა ყველა ბრძოლას.

პირველად საქართველოს კუნგ-ფუს ფედერაციის არსებობის მანძილზე, გაიმართა ფედერაციის საჩემპიონო ქამარზე ბრძოლა, სადაც ერთმანეთს შეებრძოლნენ ამბროლაურის კარატეს სკოლის წარმომადგენელი ვასილ დვალაძე და ზესტაფონის კუნგ-ფუს სკოლის წარმომადგენელი რამინი ფერაძე. ორივე მებრძოლი იყო ძალიან ტიტულოვანი და გამოცდილი.მრავალი რეგალიების მფლობელი. საბოლოოდ წარმატებას მიაღწია, გაიმარჯვა და დაეუფლა ფედერაციის საჩემპიონო ქამარს რამინი ფერაძე ზესტაფონიდან , რომელიც ასევე არის სპორტის ოსტატობის კანდიდატი კუნგ-ფუში.

​

გუნდური ადგილები გადანაწილდა შემდეგნაირად: 1 ადგილი, 11 ჩემპიონით - ზესტაფონის კუნგ-ფუს სკოლა „ავაზა“ ( ხელ-ლი ნოდარ გიორგაძე). 2 ადგილი, 10 ჩემპიონით -ამბროლაურის „კუდოს“ სკოლა(დავით დუშუაშვილი . 3 ადგილი , 9 ჩემპიონით- ზესტაფონის „იმედი“ ( გოჩა ჭულუხაძე.